Around GMA

Article Inside Page

Nalalapit na ang pagpapalabas ng unang serye bilang isang Kapuso ni Tony Labrusca na Binibining Marikit. Makakatambal niya rito si Herlene Budol. Ayon sa aktor, gusto niya talagang makatrabaho ang dating beauty queen at sinabing pinagdasal niya talaga ito.

Sa Fast Talk with Boy Abunda nitong Huwebes, January 23, nilinaw ni Tony na sa kanilang serye niya unang nakita in person at nakatrabaho si Herlene. Pero sabi niya ay gusto niyang makatrabaho ang dating beauty queen dahil pakiramdam niya ay masaya itong kasama.

“Ewan ko, may something sa energy niya na feeling ko masaya siya kasama, totoo siyang tao, and ngayon, masasabi ko, she's exactly the way I imagined in my head,” sabi ni Tony.

Inilarawan pa ni Tony si Herlene bilang “lovely, inside and out,” at ipinahayag ang kanyang paghanga dito.

“Na-amaze ako kasi alam mo 'yung minsan may na-i-imagine ka na tao sa isip mo and Herlene was exactly the way I imagined her so really lovely working with her, she puts everybody in such a good mood,” sabi ng aktor.

TINGNAN ANG FASHIONABLE FITS NG CAST NG 'BINIBINING MARIKIT' SA GALLERY NA ITO:

Tinanong din ni King of Talk Boy Abunda kung ano ang features ng kaniyang kapareha na hinahangaan niya. Sagot ni Tony, “Isa sa mga favorite features ko kay Herlene ay 'yung labi niya. She's got beautiful lips.”

“At saka napaka-expressive ng mata ni Herlene. Alam n'yo, kapag nag-eeksena kami, marami siyang emotional na scenes, maraming sinasabi ang mata ni Herlene. Napakaganda ng mata niya,” pagpapatuloy ng aktor.