Around GMA

Article Inside Page

Maraming female celebrities ang hindi sang-ayon sa pagfi-first move sa lalaki. Ngunit para kay Gwen Zamora, ito mismo ang dahilan kung bakit sila nagkatuluyan ang nakasal ng asawa niyang si David Semerad.

Sa pagbisita ni Gwen, kasama ang dating Bubble Gang co-star na si Sam Pinto, sa Fast Talk with Boy Abunda nitong Huwebes, April 24, binalikan ni Gwen ang simula ng relasyon nila ni David.

Kuwento ni Gwen, una niyang nakilala si David, kasama ang kakambal nito na si Anthony, sa isang dinner. Ngunit dahil lahat sila ay may karelasyon noong mga panahon na iyon, naging kaswal lang ang naturang dinner.

“And then I found she (Sam) was dating Anthony, and I was like, 'Hey, hook me up with David.' 'Cause I like his personality. She was like, 'No, he always has girls over, you don't want that,'” pag-alala ng aktres.

Depensa naman ni Sam, pinoprotektahan lang niya ang kaibigan dahil ayaw niya umanong maging one of the girls si Gwen at sa halip, maging the one ni David.

Pag-alala ni Gwen, minessage niya si David noon, “So I messaged him, 'Hey, I'm a three-minute walk away if you need a hug.' 'Cause they live right across my building.”

Ngunit dahil kinabukasan na nakasagot si David at dahil nasa Tagaytay siya noong araw na iyon ay hindi sila nagkita.

“So I went back the next day, and I never left. So now I have two kids, two marriages, what's next?” sabi ni Gwen.

BALIKAN ANG SECOND WEDDING PHOTOS NINA GWEN AT DAVID SA GALLERY NA ITO:

Sa ngayon, masasabi ni Gwen at Sam na masaya sila sa kanilang bagong roles bilang asawa at ina, lalo na tuwing nakakasama nila ang kanilang mga anak.

Ani Sam, “Yeah, we spend so much time together now for the kids. Kasi parang one, three, and five, their ages."

Dagdag ni Gwen, "[They're obsessed] with each other. Parang aso't pusa, but they love each other and they would protect each other for anything."