Dalawa lamang sina Gabby Eigenmann at Epy Quizon sa mga dapat abangan sa 'Voltes V: Legacy,' na magpe-premiere na sa May 8 sa GMA Telebabad.
Magkaiba man ng kampo o grupong kinabibilangan sa serye, pareho silang may isinakripisyo para sa kanilang roles.
Si Gabby ay sinadya ang pagpapataas ng timbang at nagpahaba ng bigote para bigyang-buhay si Commander Robinson, ang kumander ng international defense force ng planetang Earth.
Si Epy naman, muntikan nang magpaahit ng kilay para sa kanyang karakter na si Zuhl. Bukod pa rito, kailangang ipitin ni Epy ang kanyang boses at iyuko ang likod dahil si Zuhl ay isang matandang tagapayo ng prinsipe ng Boazanian empire na si Zardoz sa anime version.
Kung sa serye ay magkakontra sina Gabby at Epy, marami silang pagkakahalintulad sa totoong buhay. Kabilang na riyan ang pagiging showbiz royalties.
Si Gabby ay mula sa Eigenmann clan; ang yumaong batikang aktor na si Mark Gil ang kanyang ama. Si Epy naman ay anak ng late King of Comedy na si Dolphy.
Sa panayam sa kanila ni Boy Abunda sa 'Fast Talk with Boy Abunda' ngayong Huwebes, May 4, binalikan nina Gabby at Epy ang kanilang pagsisimula bilang artista at nagkwento tungkol sa kanilang experience sa 'Voltes V: Legacy.'
Matagal-tagal na rin silang nasa industriya at magpahanggang ngayon, hindi nila akalain na sisikat din sila gaya ng kanilang mga ama.
Sina Gabby Eigenmann at Epy Quizon ang guests ng King of Talk na si Boy Abunda sa 'Fast Talk with Boy Abunda' ngayong May 4 para i-promote ang bago nilang show na 'Voltes V: Legacy.'
Ikinuwento ni Gabby ang mga sakripisyong ginawa niya para sa kanyang 'Voltes V: Legacy' character at isa na riyan ang pagpapataas ng timbang. Sa anime na 'Voltes V,' kung saan hango ang serye, malaki ang pangangatawan ni Commander Robinson.
Nagpahaba rin ng bigote si Gabby.
Kabilang sa paghahanda ni Gabby ang arnis training kasama si Ysabel Ortega, na anak niya sa 'Voltes V: Legacy.'
Ticket to showbiz ang pagiging anak ng artista, ani Gabby Eigenmann na mula sa isa sa mga pinakasikat at pinakamatagumpay na showbiz clan, ang Eigenmanns.
Hindi akalain ni Gabby na magiging aktor din siya gaya ng kanyang mga kamag-anak dahil una siyang nakilala bilang singer. Ayon sa aktor, ni hindi niya kinokonsiderang celebrity ang kanyang sarili.
Gagampanan ni Epy Quizon si Zuhl, ang eldest counsel ni Zardoz (Martin Del Rosario), ang prinsipe ng Boazanian empire. Si Zuhl ay designer at creator din ng beast fighters na sasalakay sa planetang Earth.
Sa buong produksyon ng 'Voltes V: Legacy,' ipit ang boses at nakayuko ang likod ni Epy.
Ayon kay Epy, madaling makapasok sa showbiz pero ang pinakamahirap na parte nito ay ang pagkukumpara sa kanila ng kanyang ama ng madla.
Nanatili namang mapagkumbaba si Epy dahil, aniya, mas mabuting tao at mas mabuting aktor ang King of Comedy.