Buong tapang na sumalang sa Fast Talk With Boy Abunda ngayong Huwebes, August 17, ang ultimate performer na si Vina Morales.
Sa kanyang panayam kasama ang King of Talk na si Boy Abunda, binalikan ni Vina ang ilan sa highlights ng kanyang showbiz career.
Ibinahagi rin ng singer at aktres na mayroon siyang malaking proyekto na dapat abangan ng kanyang mga taga-suporta.
Balikan ang one-on-one interview ni Boy Abunda kay Vina Morales sa Fast Talk With Boy Abunda rito:
Sa pagsalang ni Vina Morales sa Fast Talk With Boy Abunda, agad siyang kinamusta ng King of Talk. Aniya, "I'm just enjoying the present right now...Siguro maybe it's because I'm just grateful and thankful, so blessings are coming in."
Binanggit din ni Tito Boy kung gaano siya kasaya para sa malaking proyekto ni Vina Morales na dapat abangan ng kanyangfans. "I'm really so proud of you. This is a big big big global project that she's doing," saad niya.
Nang tanungin naman ni Tito Boy si Vina kung ano ang nami-miss niya sa pagiging isang Kapuso, ito ang kanyang naging sagot, "Marami, 'yung mga taong nakatrabaho ko 'cause you know, I've been here for so long. Dito ako nag-umpisa, Kapuso talaga ako. Ang nami-miss ko si Kuya Germs, syempre pamilya rin 'yon."
Pagdating sa usapang kasalan, naniniwala si Vina na mayroong lalaki na inilaan ang Diyos para sa kanya. "For now, I'm just taking it easy. In God's perfect time. I always believe na there's someone out there for me, the right one. Ayoko nang ipilit... I still believe in marriage," paliwanag niya.
Vina Morales sa kanyang anak na si Ceana Lee: "I try my best to raise her as a good person, kind person and sa nakikita ko, mukhang tama naman 'yung ginagawa ko."
Ikinuwento rin ni Vina kung ano ang naging highlight at lowest point niya sa kanyang career. "Ang highlight siguro yung sa amin ni Robin, kasi 'yun 'yung peak ng career ko na ang daming pelikula tapos nagbox-office 'yung movies namin together.Nagkaroon ako ng solo movies that time under Viva. The lowest probably I would say wala pa, thank you Lord," ani Vina.
Love advice ni Vina sa kanyang 14-year-old daughter na si Ceana: "I will be there for her, to guide her, whatever decisions she has."
Sa dulo, game na game naman na kinanta ni Vina Morales ang kanyang awitin na "Sa Puso Ko."