“What makes a kontrabida, good kontrabida?”
Ito ang isa mga tanong ni Boy Abunda sa mga aktor na sina Raymond Bagatsing at Jon Lucas sa pagbisita nila sa Fast Talk with Boy Abunda.
Sina Raymond at Jon ang gumaganap bilang sina Edgardo at Calvin, ang mag-amang kontrabida sa buhay ni Elias (Ruru Madrid) sa seryeng Black Rider.
Sila ang dalawang karakter na kinaiinisan ng marami dahil sa kanilang pagiging malupit na antagonist.
Pero ano nga ba ang hugot nila sa pagiging epektibong kontrabida?
Nagsama ang batikang aktor na si Raymond Bagatsing at isa mga bagong henerasyon ng kontrabidang aktor na si Jon Lucas sa Black Rider. Pero pansamantala muna silang nagpahinga sa pagmamalupit para sumalang sa interview kasama si Boy Abunda.
Bago ang kanilang panayam, nagpa-sample muna ng impromptu kontrabida acting sina Raymond Bagatsing at Jon Lucas sa Fast Talk with Boy Abunda.
Pero anu-ano kaya ang mga hugot nina Raymond Bagatsing at Jon Lucas para sa pagiging kontrabida?
Ito ang isa mga tanong ni Boy Abunda na sinagot ng dalawang aktor.
Ayon kay Raymond Bagatsing, ang mga kontrabida ang siyang may mga wasak na puso. “Most kontrabidas, if you understand the psychology of kontrabida, bad boys, feeling nila lagi silang inaapi. Actually, meron silang broken heart, nawalan na ng tiwala sa society. It comes from a broken heart, yung nagtatampo, ako 'yung talo, ngayon ako naman 'yung babawi.”
Para sa isang versatile actor gaya ni Raymond Bagatsing, ano ang mas mahirap: ang maging bida o maging kontrabida?
Sagot niya, “For me, Tito Boy, pareho lang naman, e. Mas malalim lang 'yung nararamdaman ng kontrabida kaysa sa bida. Ang bida kasi mas balanse.”
Hugot ni Jon Lucas, “Kakawala ka rin talaga, lahat ng bubog mo, naipon na, lahat ng sakit ng nararamdaman hanggang sa dumating na yung point na may pagkakataon ka na ipakita mo rin sa tao na deserve mo rin na maintindihan at mahalin.”
Ayon kay Jon Lucas, pinipilit niyang kumawala sa kanyang emosyon matapos ang taping upang hindi niya ito madala sa pag-uwi. Aniya, “After ng eksena hanggat maaari inaalis na natin 'yun sa isip natin.”
Para naman kay Raymond Bagatsing, “Nadadala ko 'yung pain. Not naman totally because when I act, I try not to act. So, kapag naramdaman ko yun, umiyak ako, masama loob ko, totoo yun. When human beings are going through emotions, frustrations, nagre-register 'yan sa mind kasi naaalala yan ng mind e. So, nagbibigay siya ng mga ala-ala.”
Gamit na gamit din daw ni Jon Lucas ang kanyang pagiging dancer sa kanyang action stunts. Aniya, “'Yung pagiging dancer din, kasi 'yung mga actions natin minsan choreograph din naman talaga siya. So, 'yung mga eksenang kailangan mong tumalon, kailangan mong tumambling.”
Pagbabahagi naman ni Raymond Bagatsing kung bakit nananatili siyang physically fit, “I just like working out. I think I enjoyed doing martial arts, manly things, motorcycle and stuff like that.”