Kilala ang actress at singer na si Rachel Alejandro bilang Queen of Heartbreak |Songs dahil sa pagiging heart-wrenching ng ilan sa mga sikat niyang kanta. Kabilang dito ang 'Paalam Na' at 'Kung Ako Ba Siya.'
Ngunit bukod sa kaniyang mga kanta tungkol sa pagiging sawi sa pag-ibig, may ilang awitin din si Rachel tungkol sa pagiging in love. Sa Fast Talk with Boy Abunda nitong Huwebes, April 18, pinag-usapan nina Rachel at Boy Abunda ang tungkol sa heartbreaks at pagiging in love.
Tingnan sa gallery na ito kung ano ang masasabi ni Rachel tungkol sa pag-ibig:
Para kay Rachel, ang heartbreak at pagiging in love ay "so similar" sa isa't isa.
Paliwanag ni Rachel, parehong may kaba ang pagiging in love at pagkakaroon ng heartbreak, "Hindi mo alam kung mahal ka ba o hindi."
Dagdag pa ni Rachel, dahil hindi sigurado sa nararamdaman ng taong gusto, inilarawan niya ang pagiging broken hearted: "That's difficult, that's pain, in a way. That's anguish."
Ayon kay Rachel, ang tatay niyang si Haji Alejandro, na isang OPM icon, ang nagsabi sa kaniya kung paano haharapin ang sakit na dulot ng heartbreak. Pag-alala niya, "Sabi niya, 'I've suffered the worst heartbreaks.'"
Para sa ama ni Rachel na si Haji, sinusunod niya ang "I've been there, been that" mentallity. Patuloy na paglalahad ng una, "Nothing can hurt him anymore, 'yan ang lagi niyang sinasabi."
Pag-alala pa ni Rachel sa sinabi ng kaniyang ama, "'I've been at my worst," sabi niya. "Nawala sa 'kin ang taong pinakamahal ko sa buhay and I lived.'"
Aminado rin si Rachel na naranasan rin niya ang naranasan ng ama. Dito, ibinahagi niya ang natutunan niya mula sa sarili niyang experience, "So now we know, parang later on, na 'A, kaya ko pala.'"
Samantala, tinanong ni Boy Abunda kung kanino sa mga ex-boyfriend niya pinakanahirapan si Rachel mag-move on. Ang sagot ng singer, "My second boyfriend, kay Lee Robin Salazar, I think. 'Yun siguro 'yung naging pinaka-difficult para sa akin."
Nabanggit ni Rachel na naging mahirap din para sa kaniya mag-move on sa naging relationship nila ng kapwa singer na si Dingdong Avanzado.
Nang tanungin siya kung bakit naging mas mahirap mag-move on mula kay Lee, ang sagot ni Rachel, "The length of time, and maybe the intensity of it."