Charo Santos-Concio, payag bang gumawa muli ng show sa GMA?
Photo Inside Page
Photos
Muling nakatungtong sa GMA ang dating ABS-CBN president na si Charo Santos-Concio nang mag-guest sa Fast Talk With Boy Abunda ngayong Biyernes, May 16, kasama ang Kapuso Primetime King na si Dingdong Dantes, na katambal niya sa pelikulang Only We Know.
Binalikan ng Kapamilya boss ang kanyang career sa GMA kung saan naging co-host siya ng late Master Showman na si German Moreno sa isang TV show.
Pagbabalik-tanaw ni Charo, "I was the first co-host of the late German Moreno before it became GMA Supershow. It was called Germs Special. I would come here every Sunday and do the hosting chore with him."
Kwento pa ng showbiz royalty, hindi pa uso ang talent fee noong nagsisimula siya sa entertainment industry.
Patuloy niya, "Tapos no'ng araw wala pang talent fee. You have to do everything on your own. That's why it also trained me to become self-reliant and then to be independent. I remember after the show, binibigyan ako ng isang basket ng chicharon, 'yun lang 'yung talent fee. I think siguro mga ex deals or whatever. I didn't know any better, never had a manager so I was doing things on my own."
Samantala, sa 'Fast Talk' segment ng programa, natanong si Charo kung willing siyang gumawa muli ng show sa Kapuso Network.
Sagot niya, "Why not?" Sabay hirit ng "Papayag ba si Carlo at Cory?"
Ang tinutukoy ng ex media executive ay si Carlo Katigbak na kasalukuyang presidente ng ABS-CBN Corporation at si Cory Vidanes na COO for broadcast ng ABS-CBN Corporation.
Samantala,tingnan ang gallery sa ibaba at alamin ang mga high points ng showbiz career ni Charo Santos-Concio.
