Fans ni Sanya Lopez, nag-celebrate nang ianunsyong siya ang napili para sa 'First Yaya'

Tuwang-tuwa ang mga tagahanga ni Sanya Lopez nang opisyal na ianunsiyo ang pagiging lead actress niya sa upcoming romantic-comedy series na First Yaya kagabi, October 12.

Para sa fans ng Kapuso actress, deserving siya para sa naturang role.

"Versatile actress. No doubt about that," sabi ng isa sa mga grupo ng fans ni Sanya.

Matagal na daw hinihintay ni @dadock na mabigyan ng isang rom-com project ang kanyang iniidolong artista. Aniya, "[I'm] honestly hoping that @sanya_lopez will be given a romcom series on @gmanetwork ! And now here it is! She is now our #FirstYaya ! Congrats!"

Sa kabilang banda, excited na raw na makita ang aktres bilang si Yaya Melody.

Marami pang fans ang nagbigay ng kanilang congratulatory messages para kay Sanya gamit ang mga hashtag na #SanyaLopezFirstYaya at #FirstYaya.

Samantala, sa pamamagitan ng isang Twitter post, nagpasalamat si Sanya sa pagbibigay ng proyektong First Yaya.

Aniya, "Maraming Salamat po sa malaking tiwala!"

Sa panayam ni Lhar Santiago para sa "Chika MInute" ng 24 Oras, sinabi ni Sanya tungkol sa bagong proyekto, "Siyempre po kabado and excited dahil alam ko na malaki 'yung ine-expect nila sa akin bilang inyong First Yaya.

“First time ko po kasi na binigyan po ako ng show sa primetime na ako po 'yung title role kaya naman talagang maraming-maraming salamat po nang sobra-sobra sa GMA po.”