WATCH: Boobay, nakumpirma ni Tekla ang pagka-beki dahil sa street games

Confirmed na confirmed ang pagka-beki ni Boobay nang maging competitive siya sa street games ayon kay Tekla. Naglaban kasi ang dalawa sa mga larong kalye sa September 25 episode ng The Boobay and Tekla Show.

Throwback to their childhood game ang peg ng fun-tastic duo nang maglaro sila ng Chinese garter, sack race at tug-of-war kasama ang ilang bata mula sa Manila. Nagpataasan at nagpabonggahan sila ng lundag sa garter kung saan nanalo ang grupo ni Boobay. Kahit talo ang grupo ni Tekla ay hanga naman siya sa kanyang co-host.

Hirit ni Tekla, “Ang galing ni Boobay! Alam mo, certified talaga na bakla ka.”

Nagpabilisan din sila sa sack race kung saan muling nagwagi ang grupo ni Boobay, at nagpakita ng lakas sa tug-of-war kung saan nakabawi ang grupo ni Tekla.

Napa-reminisce naman ang netizens tungkol sa childhood nila:

Ito ang laugh trip na for all generations kaya naman laging tumutok sa GMANetwork.com/TBATS, GMA Network YouTube channel, at GMA Network Facebook page tuwing Martes at Huwebes ng 5 P.M. para non-stop ang good vibes!