TBATS: Ricci Rivero ng UP Fighting Maroons, nakipagsabayan sa kalokohan nina Boobay at Tekla

Ipinakita ni Ricci Rivero ng UP Fighting Maroons na hindi lang siya game sa paglalaro ng basketball kundi pati na rin sa kalokohan kasama nina Boobay at Tekla nang mag-guest siya sa December 20 episode ng The Boobay and Tekla Show.

Professional ang dating ni Ricci on and off the court dahil kayang-kaya niyang makipagsabayan sa kakulitan nina Boobay at Tekla.

Sa unang part ng episode, si Ricci ang nag-host ng TBATS quiz tungkol sa kaniya. Dito ay hinulaan ng fun-tastic duo kung ano ang size ng kanyang basketball shoes, kung naka-ilan na siyang girlfriend, at kung ano ang gusto niyang suot kapag natutulog.

Matapos nito, sumabak sa isang acting challenge si Ricci kung saan ka-eksena niya si Tekla bilang kaniyang yaya at si Boobay bilang isang albularyo.

Panoorin:

Hindi nauubos ang good vibes kapag kasama sina Boobay at Tekla. Kaya naman, tutok lang sa The Boobay and Tekla Show sa GMANetwork.com/TBATS, GMA Network YouTube channel (https://www.youtube.com/user/GMANETWORK), at GMA Network Facebook page (www.facebook.com/GMANetwork) tuwing Huwebes, 5 P.M.