'Love on Line' ni Vic Sotto, tampok sa GTV ngayong weekend

Napapanahon ang pelikulang Love on Line ni "Bossing" Vic Sotto, lalo na sa panahon ng pandemic.

Tampok dito si Bossing bilang Samson, habang si Jose Manalo naman ay ang houseboy niyang si Tot.

Gagamitin ni Tot ang picture ni Samson sa kanyang online dating profile at makikilala niya dito si Bunny. Hindi niya alam na tulad niya, ibang tao din ang ginamit ni Bunny sa kanyang profile picture.

Ano ang mangyayari kapag nag-eyeball na sila?

Abangan ang Love on Line, November 7, 12:00 pm sa Sine Date Weekends.

Para naman sa mahihilig sa Asian movies, tunghayan ang A Chinese Oddyssey II starring Stephew Chow, November 6, 7:05 pm sa G! Flicks at Infernal Affairs II with Andy Lau, November 7, 9:15 pm sa The Big Picture.

Siyempre, hindi mawawala ang Afternoon Movie Break para sa mga action movie fans. Panoorin ang Leon Cordero ni Raymart Santiago, November 6, 2:00 pm; Muslim Magnun .357 ni ER Ejercito, November 7, 2:00pm; at Sgt. Patalinhug ni Eddie Garcia, November 7, 4:00 pm.

Patuloy na tumutok sa GTV para sa ibang pang mga dekalidad na pelikula.