Figure skating champ na si Skye Chua, na-inspire sa kwento ng 'Hearts On Ice'

Isang inspirasyon para sa figure skating champion at Sparkle artist na si Skye Chua ang kuwento ng Philippines' first-ever figure skating series na Hearts On Ice.

Sa interview ng GMANetwork.com, sinabi ni Skye kung paano siya na-inspire ng Hearts On Ice bilang isang atleta, at maging kung paano nakatutulong ngayon ang show para mas maipakilala sa marami ang sport na figure skating.

"The story overall since I'm an athlete and a figure skater, I am really inspired by the story kasi as for someone na may injury growing up as a kid tapos naabot niya 'yung pangarap niya, it's really one inspirational na teleserye," sabi niya.

Dagdag ni Skye, "And skating is not a known sport in the Philippines and seeing how much work the crew is putting in and the talents, na-feel ko how much we are trying our best to show others how to appreciate our sport and that means a lot to me."

Tulad ng kuwento ni Ponggay sa Hearts On Ice, maagang nagsimulang mangarap si Skye na maging isang figure skater. Sa edad na limang taon, na-inspire si Skye sa mga nakikita niyang skaters sa tuwing nagpupunta sa mall.

"I felt like I was really attach to skating agad because from I was a kid nakikita ko palang po 'yung skaters palagi ko silang pinapanood. Sinasadya ko mapunta sa [mall] kasi may playground doon tapos kitang-kita 'yung rink.

"So from a five-year-old, I asked my parents if I could try skating and, finally, at the age of seven my parents allowed me to skate, and ever since I have been skating, representing our country," kuwento niya.

Sa Hearts On Ice, napapanood si Skye bilang Sonja, isang figure skater at kalaban ni Ponggay (Ashley Ortega).

Subaybayan si Skye sa Hearts On Ice, Lunes hanggang Biyernes, 8:50 p.m. sa GMA Telebabad.

Mapapanood din ang Hearts On Ice sa Pinoy Hits, I Heart Movies, GTV (11:30 p.m.), at naka-livestream din ito sa GMANetwork.com.

KILALANIN ANG CAST NG HEARTS ON ICE SA GALLERY NA ITO: