Around GMA

Article Inside Page

Puno ng paghanga ang multi-talented actor na si Xian Lim sa leading lady niyang si Ashley Ortega para sa bagong Kapuso serye na Hearts On Ice.

Ayon kay Xian, kitang-kita niya kay Ashley ang dedikasyon nito sa trabaho lalo na para sa upcoming figure skating series nila na Hearts On Ice.

"I think she is very dedicated when it comes to her project, this project in particular. Kasi ngayon ko pa lang naman s'ya nakita in action. She comes to the set prepared, she knows what she's doing, especially on ice," sabi ni Xian sa interview kay Lhar Santiago ng 24 Oras.

Masaya at nagpapasalamat din ang aktor na natutulungan siya ni Ashley sa training sa figure skating, lalo na aniya ngayon na may ginagawa na silang mga kumplikadong eksena sa ice rink.

"Ako, upon hearing about the role lang saka ako nag-skating. Ngayon nag-iintensify 'yung mga ginagawa namin sa serye, 'yung mga liftings na involve which is a bit dangerous kasi kung mapatid kami may mga blades 'yung mga paa namin, so it takes a lot of practice, time, and dedication sa 'Hearts On Ice,'" dagdag niya.

Pinuri rin ni Ashley ang dedikasyon na ibinibigay ni Xian na matuto ng figure skating, kung saan sumalang sa ilang buwan na training ang aktor at naipasa ang ice skating proficiency test nito.

Makakasama nina Ashley at Xian sa serye ang mga batikang aktor na sina Amy Austria, Rita Avila, Lito Pimentel, Tonton Gutierrez, Ina Feleo, at Cheska Iñigo, gayundin sina Antonette Garcia, Kim Perez, Ruiz Gomez, Roxie Smith, at Skye Chua.

Mapapanood din sa serye ang two-time Olympic figure skater na si Michael Martinez.

Abangan ang Hearts On Ice, simula Marso sa GMA Telebabad.

KILALANIN ANG CAST NG 'HEARTS ON ICE' SA GALLERY NA ITO: