EXCLUSIVE: Empress Schuck, inamin na intense raw ang mga eksena sa 'Hiram Na Anak'

Nagbabalik Kapuso ang aktres na si Empress Schuck para sa kaniyang bagong project na Hiram Na Anak.

Dito mapapanood si Empress bilang Wena, ang tunay na ina ng batang si Duday (Leanne Bautista) kung saan iikot ang kuwento ng Hiram Na Anak.

Sa eksklusibong panayam ng GMANetwork.com, inamin ng aktres na si Wena raw ang pinaka intense na role na kaniyang ginampanan.

Aniya, "Grabe, marami akong firsts na nagawa dito. In a span of a week or two, makikita n'yo lahat ng pinagdaanan ni Wena.

"Lahat ng mga nangyari sa kaniya physically and emotionally, makikita n'yo lahat ng pagbabago sa kaniya sa pilot episode pa lang namin. Doon pa lang, as in, parang wala pa akong nagawang any projects na ganoon ka-intense.

"Isang linggo pa lang ay andami nang nangyari doon sa character kaya I'm very excited about that."

Ano kaya ang magiging kapalaran ni Wena?

Alamin sa Hiram Na Anak this February 25 na bago mag-Eat Bulaga.