Around GMA

Article Inside Page

Tampok sa latest In The Limelight feature si Kapuso actress Ysabel Ortega at ibinahagi niya roon na isa sa mga gusto niyang makatrabaho ang batikang aktres na si Cherie Gil.

Hindi lang basta makatrabaho, dahil gusto rin niyang makatikim ng sampal mula rito.

“The reason to that is because she's one of the most respected actors in whole showbiz industry and I would love to learn from her, I would love to work with her, and gusto ko ring makatanggap ng sampal from her,” sabi niya.

Dagdag pa showbiz newbie, “Milestone 'yun para sa artista, ang masampal ni Ms. Cheri Gil.”

Bukod dito, nais din umano niyang mapasama sa isang action-packed series kung saan masusukat ang galing niya hindi lang sa pag-arte pati na rin ang physical skills niya.

“My dream role would have to be… gusto ko ng action because I feel like an action role is something that is both mentally and physically challenging and I feel like it's also a step out of my comfort zone kasi nakapag-rom-com na 'ko, nakapagdrama na 'ko, so gusto ko naman ng action para cool naman tayo for a change,” dagdag pa niya.

Samantala, kahit nagtatrabaho bilang artista ay estudyante rin si Ysabel at nagagawa niya itong pagsabayin dahil sa kanyang effective time management.

“Bago nag-umpisa 'yung online classes it was a little bit harder to balance school and work kasi I would have to attend class and of course, syempre sa mga [kapwa] college students ko diyan, alam natin na may maximum number of cuts lang. 'Yun 'yung laging pinoproblema ko pero ang ginawa ko na lang is I spoke to my professors and they were very understanding naman of my situation,” kwento niya.

Aniya pa, “Whenever I would have taping bumabalik na lang ako the next day 'pag wala akong work and pumupunta na lang ako sa make up classes.”

Samantala, pinasok na rin ni Ysabel ang mundo ng vlogging at kamakailan ay pumatok sa netizens ang vlog niya tungkol sa massive poultry farmland at poultry business ng pamilya niya.

Ipinakita niya rin sa kanyang fans ang magandang bahay ng pamilya niya sa La Union na mayroong swimming pool, kiddie pool, jacuzzi, garden, movie room, at iba pa.

Silipin ang beautiful home La Union home ni Ysabel sa gallery na ito:

Narito pa ang ilang In The Limelight videos:

Jeremiah Tiangco shares workout tips

Garrett Bolden tells inspiration in latest single "Our Love"

'StarStruck' 7 winner Kim De Leon shares learnings after his first year in showbiz