EXCLUSIVE: Veteran stars ng 'Inagaw na Bituin,' excited makatrabaho sina Kyline Alcantara at Therese Malvar
Masasabi mang baguhan sa industriya sina Kyline Alcantara at Therese Malvar, ang veteran stars tulad nina Sunshine Dizon, Angelika dela Cruz, Marvin Agustin at Gabby Eigenmann naman ang excited na makatrabaho ang dalawang batang Kapuso stars.
Sa hiwa-hiwalay na exclusive interviews ng GMANetwork.com, ipinahayag ng ilang Inagaw na Bituin stars ang kanilang paghanga para sa dalawang mas batang bida ng upcoming Kapuso musical-drama series.
Ani Sunshine, “Very promising, very dedicated. They have very good work attitude. Makikita mo sa kanila 'yung para bang nung mga bata pa kami, that fire. You can see it's very alive inside of them na may gusto talaga, they want to prove something. And I think they already made a mark kahit bata pa sila. Very exciting!”
“Kakapanalo lang ni Kyline ng Best Supporting Actress so aside from being an award-winning actress, she's one of the hottest teens ngayon eh. Excited to work with these people. Si Teri naman, wow, award-winning din sa indie films,” dagdag ni Gabby tungkol sa husay ng dalawa.
Looking forward din sina Angelika at Marvin na makaeksena ang younger Kapuso talents.
Anang aktor, masaya siyang makakasama niya ulit sa isang programa ang kanyang dating Kambal Karibal co-star.
Wika ni Marvin, “I'll be working with Kyline again. Masaya 'yun dahil at least hindi ko na siya gugulphin dito. May mga twist and turns 'yung istorya na eventually may mare-reveal tungkol sa aming dalawa.”
“I heard and I know that she's a very good actress. I like working with great actors because ang sarap eh ng kabatuhan. 'Pag magaling, that means professional 'yung tao. I'm always excited to work with professionals,” saad naman niya tungkol kay Therese.
Sang-ayon din si Angelika sa husay nina Kyline at Therese.
Sambit niya, “'Yun 'yung masarap, 'yung alam mong 'yung mga kasama mo magagaling umarte. May mahuhugot ka sa kanila. Oo, bigayan. Kailangan 'yun eh kasi it won't work pag mananapaw ka or pag 'yung kasama mo nananapaw, hindi magwo-work eh.”