EXCLUSIVE: Juancho Trivino, ang bagong pambansang 'third wheel?'

Third wheel ulit ang gagampanang role ni Kapuso actor Juancho Trivino sa upcoming romantic-comedy Primetime series na Inday Will Always Love You na mapapanood na ngayong tag-init.

Si Ernest ang Cebuanong matalik na kaibigan ni Happylou (Barbie Forteza) mula kolehiyo. Yayayain niya ang dalaga na pumuntang Cebu para magtrabaho. Mahuhulog ang kanyang loob kay Happylou, habang magkakadevelopan naman sina Happylou at si Patrick (Derrick Monasterio).

Kuwento  niya sa eksklusibong panayam ng GMANetwork.com tungkol sa kanyang karakter, “The ideal guy, but hindi mo talaga siyang makita as a boyfriend, parang nasa friendzone. An ideal friend [na] he can be the right choice, but he's not what [Happylou’s] heart wants."

Sanay na umano si Juancho na maging third wheel sa mga love team, “‘Yung last show ko [ay] ganito din. Actually, this is my second show in a row na I’ll be doing a third party role, and medyo gusto kong gawing different from AlDub’s Destined To Be Yours.”

Pinag-aaralan ng Kapuso star ang kanyang karakter kasama ang direktor nilang si Monti Parungao para maging iba si Ernest kay Badong.

Si Ernest ba ang pipiliin ni Happylou? Abangan ang kuwento nina Ernest at Happylou sa Inday Will Always Love You ngayong Mayo na.