Max Collins on Innamorata: “Hanggang ngayon kinakabahan pa rin ako”

Napakalaking role ang naibigay sa Kapuso star na si Max Collins.Itinuturing ni Max na isang big blessing ang 'Innamorata' sa kanyang career..

Kuwento ni Max, “hanggang ngayon kinakabahan pa rin ako kasi parang surreal sa akin. Eversince kasi this is my dream. I don’t know, hindi ko na-expect na mabibigyan ako ng role na ganito kaganda. I'm really thankful that this was given to me. It was a surprise kasi I didn’t know. I was supposed to be in another show.”

Ginagampanan ni Max ang role ni Esperanza. Isang babaeng may sakit na Porphyria. “Parang vampire disease kasi 'pag naaarawan it itches and it hurts, nasusugatan e. It's common back in the 1700 and 1600. More of the era of the kings and queens. Para siyang leprosy, it's a rare case. It was more common back then. It has no cure,” paglalahad niya.

Sa Innamorata, makikitang gumaganda si Esperanza kapag isinusuot niya ang kwintas ng kanyang Lola Alejandra [Gwen Zamora]. Sa pagbabago ng kanyang itsura, siya ay kikilanin bilang si Clara.

Bukod sa nakuha niyang napakagandang role, masaya rin umano si Max sa kanyang mga katrabaho sa Innamorata. “I'm really fortunate to work with them [Innamorata co-stars] kasi they make my life so much easier and more fun. Kasi kung kabado man ako, mas kakabahan ako lalo sa mga kasama ko or sa set. But with them, they make this [work] very light and enjoyable.”

Abangan si Max Collins sa kanyang pagganap bilang Esperanza sa Innamorata, Monday to Friday pagkatapos ng Villa Quintana.

Para sa updates tungkol kay Max Collins at iba pang mga Kapuso artists, patuloy na mag-log on sa www.gmanetwork.com.

-Text by Maine Aquino, Photo by Bochic Estrada, GMANetwork.com