Around GMA

Article Inside Page

Naghatid ng saya at good vibes a ng Team AJT, o Anne, Jugs, and Teddy, sa kanilang “Magpasikat 2024” performance kamakailan na umiikot tungkol sa core memories.

Bilang isa sa “OG” hosts ng noontime variety show, tinanong ni Kim Chiu si Anne Curtis kung ano ang pinakatumatak na core memory niya sa It's Showtime.

“Sa 15 years… there's so much. I grew up in this show, alongside my Showtime family. From being single, to getting a boyfriend, to getting married, having a child, performing Magpasikat na buntis na hindi alam ng aking Showtime family, 10th year natin 'yon,” pagbabahagi ng actress-host.

Ayon kay Anne, ang pinakatumatak sa kanya na core memory ay ang first episode ng It's Showtime noong 2009.

Patuloy niya, “We came here on stage na ang dami nating doubts. 'Tatagal ba tayo? Gaano katagal? Seven years, four years, three years?' Who would've [thought] that from a simple pre-noontime show, we would be here on stage and performing for the Madlang People, changing people's lives with the help of ABS-CBN for 15 years. And that for me is a solid core memory for me that continues to create core memories.”

Labis din ang pasasalamat ng celebrity mom sa kanyang kapwa hosts at sa buong staff at team ng It's Showtime dahil sa kanilang pagsisikap na makapagbigay saya sa mga manonood.

Nagpasalamat din si Jhong Hilario kay Anne dahil sa pagiging totoo nito.

Aniya, “Alam mo Anne, kami rin nagpapasalamat sa 'yo, ang buong Showtime family, ang Madlang People, for being you. Ipinapakita mo kung sino ka talaga kaya minahal ka ng Madlang People.”

Ngayong Biyernes, mapapanood ang "Magpasikat 2024" performance ng Team Jhong, Jackie, at Cianne.

Subaybayan ang It's Showtime tuwing Lunes hanggang Sabado, 12 noon, sa GMA, GTV, at iba pang Kapuso platforms.

BALIKAN ANG NAGANAP NA MEDIA CONFERENCE NG IT'S SHOWTIME SA GALLERY NA ITO.