Leandro Muñoz, iniwan ang showbiz dahil sa mga 'fake' na tao

Diretsong ikinuwento ni Leandro Muñoz ang kanyang dahilan kung bakit iniwan niya ang kanyang career sa showbiz.

Kuwento ng dating aktor sa Just In nitong September 2, "I left actually at the peak of my career."

Dugtong pa ni Leandro, "It's a very sensitive subject to talk about but I need to tell everyone. I love the craft. I love acting, I love the actors like you, konti lang 'yung naging close ko sa showbiz like you."

Ang tinutukoy ni Leandro na ka-close sa showbiz ay si Paolo Contis na kanyang matagal ng kaibigan sa industriya at host ng Just In.

Pagpapatuloy ni Leandro sa kanyang interview, marami umano siyang nakilalang hindi totoong tao.

"Ang daming hindi totoong tao. I mean kung may hindi ako na-mention na iba doesn't mean na sila 'yung fake na mga tao. Pero ang daming hindi totoo na tao. 'Yung pine-play nila na character. Kunyari masama 'yung character nila, kahit cut na ganon pa rin 'yung character. 'Yun 'yung hindi ko ma-take na tao."

Inamin ni Leandro na mahal niya ang pag-arte ngunit kinailangan niyang iwan ito dahil hindi niya kinaya ang nangyayari sa kanyang paligid.

"I love acting, I love the craft, I love most people but the life that comes with it medyo hindi ko kinaya e. 'Yung fake na mga tao."

Nakasaksi rin umano siya ng infidelity at inamin niyang isa rin siya sa mga nagkamaling gawin ito.

"'Yung infidelity, as a matter of fact I am guilty of that I was married to my first wife back then when I was in showbiz. Hindi ako malinis. I am not gonna tell you that I was clean, I was that person that I did not like. Hindi ko nakita ko 'yung what I became when I was in showbiz."

Dugtong pa ni Leandro, "Whatever you think negative about showbiz is what I did and I didn't like myself. Sabi ko I had to leave I had to go somewhere far in order for me to change."

Tinanong rin ni Paolo kung sakaling naisip ba ni Leandro na bumalik sa showbiz.

"No offense to everyone in the industry, pero I don't see myself going back. 'Yun na 'yung final answer. As of matter of fact, marami akong naging offers and tinatanggihan ko 'pag long term 'yung offer."

Ikinuwento pa ni Leandro na tumanggap siya ng proyekto noong 2011 ngunit na-experience niya ulit ang sinabi niyang rason kung bakit nilisan niya ang showbiz.

"2011, I went back. Sabi ko why not I give it a shot again. My love, for the craft, for the acting craft is so up there so triny ko. But then I stayed there for one year."

"Then 'yung stay ko ng one year, na-experience ko na naman 'yung mga reasons kung bakit ako umalis. Kaya umalis na naman ako. This time it's for good."

Panoorin ang buong interview ni Paolo kay Leandro sa Just In.

Just In: Leandro Muñoz, first time banggitin ang "Kapuso!" | Season 2


Just In: Leandro Muñoz, suportado ang transman na anak! | Season 2