Paghingi ng tawad ni Darren kay Crisan sa 'Kambal, Karibal'

Sa episode 97 ng Kambal, Karibal, nagkaroon muli ng hindi magandang karanasan si Crisan (Bianca Umali), na nasa katawan ni Cheska (Kyline Alcantara), mula sa kanyang boss na si Darren (Jake Vargas).

Hindi kasi niya sinasadyang maitapon ang beads ng binata kaya nagalit ito sa kanya. Dahil sa hiya, nagdesisyon si Crisan na umalis sa kanyang trabaho bilang kasambahay, gayunpaman, pinigilan siya ni Aling Celia (Lollie Mara).

Tinuruan naman si Darren ng leksyon ang kanyang inang si Valerie (Marica De Mesa) dahil sa pagiging mainitin ang ulo at pinagsabihang humingi ng paumanhin kay Crisan.

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang full episodes ng Anak ni Waray vs. Anak ni Biday at ng iba pang Kapuso shows sa GMANetwork.com at GMA Network app.