WATCH: Barbie Forteza at Mika Dela Cruz, back-to-back na nagpainterview bilang sina 'Kara' at 'Mia'

Nagkaroon ng pagkakataon sina GMA News reporters Nelson Canlas at Aubrey Carampel na ma-interview back-to-back sina Barbie Forteza at Mika Dela Cruz.

Sina Barbie at Mika ang gumaganap na Kara at Mia, ang kambal na naghahati sa iisang katawan sa Kara Mia.

READ: Barbie Forteza and Mika Dela Cruz play the girl with two faces in 'Kara Mia'

Sinagot nila ang ilan sa mga tanong ng netizens, katulad ng kung paano sila nanunuod ng TV.

"Nagte-take turns po kami, tumatalikod po ako para mapanuod ni Mia," sagot ni Barbie.

Kung ibang channel naman ang gustong panuorin ni Mia, iintayin niya na lang daw matapos ang pinapanuod ng kakambal bago niya ito ilipat.

"Tinatapos ko lang kung ano gusto niyang panuorin kasi ako, GMA-7 lang pinapanuod ko. 'Yun lang pinapanuod ko, pag pinapanuod niya, bahala siya," sagot naman ni Mika.

Alamin din ang sagot kung paano sila kumakain at kung dalawa ang bayad nila sa buffet sa nakakamanghang video na ito:

Patuloy na panuorin ang Kara Mia, Lunes hanggang Biyernes, sa GMA Telebabad pagkatapos ng 24 Oras.