EXCLUSIVE: SexBomb Girls at Joy Cancio, ginulat si Rochelle Pangilinan sa 'Lip Sync Battle Philippines'

Si Kapuso actress Andrea Torres ang latest winner ng Lip Sync Battle Philippines kung saan kinalaban niya si former SexBomb Girl, Rochelle Pangilinan. 

Talagang palaban si Andrea dahil sariling kanta pa ni Rochelle na Baile ang napili niyang i-perform.

Isa sa kanyang pasabog ang kanyang surprise guests—ang kapwa SexBomb dancers ni Rochelle na sina Che-Che Tolentino at Aira Bermudez. Kasama din nilang sumayaw ang kanilang dating manager na si Joy Cancio. 

"Ako, masaya kasi nakasama ko si Che, nakasama ko si Aira. At the same time, makikita ko si Rochelle. For the longest time, the last time we met I think 'yung kasal ni Rochelle," pahayag ni Joy.

Nostalgic din para kay Aira ang kanilang naging performance. 

"Exciting kasi this time, hindi lang SexBomb ang magsasama-sama. Makakasama namin si Ms. Joy. Saka, noong narinig namin na Baile 'yung gagawin parang nakakatuwa na balikan 'yung nakaraan namin," paliwanag niya. 

Kahit hindi nanalo si Rochelle, may mensahe pa rin si Che para sa kanya.

"Continue inspiring people, Ate," aniya. 

Panoorin ang kanilang exclusive online interview: 

Balikan ang kanilang performance ng awit na Baile sa nakaraang episode ng Lip Sync Battle Philippines.