Jean Garcia, nagpasalamat sa kanyang 'Lolong' co-stars at crew

Sa pagtatapos ng lock-in taping ng upcoming adventure series na Lolong, isang post ang inilaan ni Jean Garcia para pasalamatan ang co-stars at crew ng serye.

Sa Instagram, ibinahagi ng batikang aktres Jean ang ilan sa masasayang larawan ng cast at crew, na kuha mula sa huling araw ng kanilang taping.

"Goodbye for now to my [Lolong] family. We made it guys. Sa lahat ng hirap, mga pagsubok at sakripisyo, natawid natin ang lahat hanggang sa huli ng hawak kamay," sulat ni Jean.

Dagdag niya, "I could not be prouder of each and everyone of these extraordinary actors, a crew (the whole team) that you can only dream of, and directors that held everyone's hand on a wild journey of emotions. Maraming salamat po! That's a wrap 'beautiful peeps.' Hanggang sa muli."

Nag-iwan naman ng komento sa post ni Jean ang ilang cast ng Lolong at ipinarating ang kanilang pasasalamat.

Abangan ang pagdating ng higanteng action adventure series na Lolong, malapit na sa GMA!

Samantala, mas kilalanin pa si Jean Garcia sa gallery na ito: