Isang romantic-comedy ang pagbibidahan nina FHM cover girl Arny Ross, Denise Barbacena at Aaron Yanga sa kanilang pagbibigay-buhay sa love triangle ng half sisters at isang kababatang lalaki.
Gagampanan nina Arny Ross at Denise Barbacena ang half sisters na sina Marebeth Ricahuerte at Crisel Bermudez na involved sa love triangle kay Jayson Arellano na bibigyang-buhay ni Aaron Yanga.
Matagal nang may lihim na pagtingin si Marebeth sa kanyang kababata at ‘man of her dreams’ na si Jayson.
Ginawa na niya ang lahat ng pagpaparamdam ngunit tila hindi pa rin siya napapansin ni Jayson.
Todo suporta rin kay Marebeth ang kanyang half-sister na si Crisel.
Sa pamamagitan ng ‘Love Hotline’, handa na si Marebeth na aminin ang kanyang feelings para kay Jayson.
Makakayanan kayang tanggapin ni Marebeth kung malaman niyang ang kanyang half sister ang napupusuan ni Jayson? Alamin ‘yan ngayong Biyernes, June 10 sa ‘Love Hotline.’