Mala-Romeo and Juliet ang love story na bibigyang buhay nina Andrew Schimmer, Sanya Lopez at Ms. Ces Quesada sa ‘Love Hotline’ ngayong Biyernes (July 31).
Katatampukan nina Andrew Schimmer at Sanya Lopez ang mala-Romeo and Juliet love story nina Kevin Canes at Ederleen Repia, habang si Ms. Ces Quesada ang gaganap bilang si Nanay Lilibeth Repia.
Isa lang ang tanging pakiusap ni Nanay Lilibeth sa kanyang panganay na anak na si Ederleen; ang huwag pa ito mag-boyfriend.
Marami mang ginagawang kalokohan si Kevin ay umibig pa rin sa kanya si Ederleen.
Tinanggap ni Nanay Lilibeth si Kevin at Ederleen sa kanilang poder matapos mabuntis ang kanyang anak, ngunit tutol pa rin siya sa relasyon nila dahil sa katamaran ng lalaki.
Dahil sa hindi nila pagkakasundo ay lumayas sina Kevin at Ederleen.
Sa unang pagkakataon ay maghaharap muli si Nanay Lilibeth at sina Kevin at Ederleen.
Kukumbinsihin kaya ni Nanay Lilibeth na iwan na ni Ederleen si Kevin at umuwi na sa kanila?
O tanggap na niya ang relasyon ng dalawa?
May makapipigil pa kaya sa pag-iibigan nina Ederleen at Kevin? Alamin ngayong Biyernes, July 31, sa ‘Love Hotline.’