Tampok ang real-life couple na sina Rochelle Pangilinan at Arthur Solinap sa pagsasadula ng masalimuot na relasyon ng live-in partners na hindi magkaroon ng anak.
Ang real-life couple na sina Arthur Solinap at Rochelle Pangilinan ang gaganap bilang sina Belmar Salvador at Inday Alferez.
Magiging masalimuot ang kanilang relasyon sa pagkupkop nila sa kaibigan at dalagang ina na si Rechel Romina.
Ibinubunton ni Belmar kay Inday ang hindi nila pagkakaroon ng anak.
Sa pagkupkop nila kay Rechel, nahulog na ang loob ng live-in partners sa anak nito. Ngunit ang hindi alam ni Inday, pati si Belmar ay nahuhulog na rin ang loob kay Rechel.
Isang bawal na relasyon ang mabubuo sa pagitan nina Belmar at Rechel.
Ano ang mangyayari kung malaman ni Inday ang nangyaring pagtataksil sa loob mismo ng kanyang bahay?
Lalaban kaya si Inday o magpapaubaya na lang sa babaeng kayang magbigay ng anak sa kanyang kinakasama?
Muling magkakaharap sina Inday, Belmar at Rechel sa ‘Love Hotline.’
Sapat kaya ang pagkukulang ni Inday para maghanap ng iba si Belmar?
Saan hahantong ang pagtatapat na ito? Alamin sa ‘Love Hotline,’ ngayong Biyernes, August 14.