Tampok sina Rich Asuncion at Simoun Ibarra sa kuwento ng isang relasyong puno ng pananakit at pagseselos sa episode ng ‘Love Hotline’ ngayong Biyernes, August 28.
Si Rich Asuncion ang gaganap bilang si Gemma Cinco, habang si Simoun Ibarra naman ang magbibigay-buhay sa karelasyon nitong 30 anyos ang tanda sa kanya, si Fernando Columbos.
Nagsama sina Gemma at Fernando kahit na buntis sa ibang lalaki si Gemma.
Ngayon ay nagsasama na lang din sila para sa kanilang mga anak.
Puro pananakit dahil sa selos kasi ang nakukuha ni Gemma mula kay Fernando.
Sa pagdulog ni Gemma sa ‘Love Hotline’ ay desidido na siyang hiwalayan at iwanan ang kanyang mapang-abusong partner.
Ngunit tila tutol si Fernando sa desisyong ito.
May pag-asa pa kaya ang pagsasama nilang puno ng pananakit at pagseselos? Alamin ngayong Biyernes, August 28, sa ‘Love Hotline.’