Isang nakakakilig na love-hate-love story ang pagbibidahan nina Max Collins at JC Tiuseco sa ‘Love Hotline’ ngayong Biyernes, 5:20 P.M.
Gaganap ang Kapuso stars na sina JC Tiuseco at Max Collins bilang ang ex-couple na sina Emman at Sheila.
College sweethearts sina Emman at Sheila. Nauwi sa masamang break up ang kanilang relasyon nang malaman ni Sheila na pinagpustahan lang pala siya nina Emman at mga kaibigan nito.
Makaraan ang tatlong taon ay muli silang magkakaharap sa isang bakery.
Umpisa na ba ng battle of the exes?
O ito na ang second chance for a sweet ending para kina Emman at Sheila?
Subaybayan ang exciting at nakakakilig na kwentong pag-ibig nina Emman at Sheila ngayong Biyernes, kasama si Ms. Jean Garcia sa ‘Love Hotline.’