Naniniwala ba kayo sa destiny? Ito ang saksihan sa kwento ng dalawang heart-broken strangers na nahanap ang isa’t isa ng hindi inaasahan.
Isang nakakakilig na love story ang gagampanan nina Ruru Madrid at Thea Tolentino bilang ang heart-broken na sina Dennis at Jen.
Unang nagtagpo sina Dennis at Jen nang naghihintay sila ng masasakyan. Nag-pass out si Jen dahil sa kalasingan kaya tinulungan at dinala siya ni Dennis sa apartment nito para hindi siya mapagsamantalahan.
Nag-celebrate sila sa kanilang pagiging single. Sa kanilang paghihiwalay, mare-realize ni Dennis na unti-unti na niyang nagugustuhan si Jen, pero nakalimutan pala niyang alamin ang pangalan nito.
Muli kaya silang paboran ng tadhana para sa kanilang nabitin na love story?
Subaybayan ang kahahantungan ng kanilang love story ngayon Biyernes, February 19 sa mas pinaagang time slot na 11 AM ng ‘Love Hotline.’