Hatid ng tambalang AySon nina Ayra Mariano at Elyson de Dios ang kuwento ng pag-ibig na tampok sa ‘Love Hotline’ ngayong Biyernes, March 18.
Magpapakilig sina Elyson de Dios at Ayra Mariano bilang sina Makoy at Belle. Tubong Cebu si Makoy na napalapit kay Belle nang mag-aral sa isang university at makasama sa basketball class ang dalaga.
First time ni Makoy ma-in love.
Lingid sa kaalaman ni Makoy ay matagal na pala siyang binabantayan ni Miguel, ang ex-boyfriend ni Belle na gagampanan naman ng ‘Starstruck’ avenger na si Kevin Sagra.
Husay! Bumibida na ang ‘Starstruck’ batchmates na sina Kevin, Ayra at Elyson.
Paano kung mauuwi lang sa pagkabigo si Makoy? Ano ang magagawa ng isang inang todo-protekta sa kanyang unico hijo?
Happy ending kaya ang kwento nina Makoy at Belle? Alamin ngayong Biyernes (March 18), 11 A.M., kasama si Ms. Jean Garcia sa ‘Love Hotline.’