Papayag ka bang maghiwalay kayo ng iyong mister dahil hindi mo siya mabigyan ng anak? Ito ang tanong ng puso na susubukang bigyang-gabay sa ‘Love Hotline’ ngayong April 22.
Walong taon nang mag-asawa sina Myrna at Arnel Salazar.
Ngunit hanggang ngayon ay hindi pa rin sila nagkaka-anak. Dahil dito ay nauuwi sila sa pag-aaway lalo na at nais na magkasupling ni Arnel.
Dahil sa kanilang pag-aaway ay hindi na umuuwi sa kanila si Arnel. Suspetsa rin ni Myra na may iba nang kinakasama ang asawa niya.
Malalaman na ni Myrna ang katotohanan sa kanyang pagbisita sa ‘Love Hotline.’
Sapat nga bang rason ang hindi nila pagkakaroon ng anak para masira ang kanilang pamilya? Samahan sina Ms. Jean Garcia at Ms. May Soriano sa kanilang pagbibigay-gabay ngayong Biyernes, April 22, sa ‘Love Hotline.’