Ipinakilala na ng GMA Entertainment Group ang lead cast members ng upcoming GMA family drama series na 'Love of My Life' sa ginanap na story conference ng show noong July 15.
Ang cast ng 'Love of My Life' ay binubuo nina (from left) Mikael Daez, Rhian Ramos, Carla Abellana, at Coney Reyes.
Labis ang excitement ng award-winning actress na si Coney Reyes sa pagsisimula ng kanyang bagong show dahil first time niyang makakatrabaho sina Carla, Rhian, at Mikael.
Anim na buwan ding hindi nakagawa ng serye si Carla Abellana kaya naman, aniya, hindi mawawala sa kanya ang kaba.
Ibinida naman ni Rhian Ramos na maraming makaka-relate sa 'Love of My Life' dahil makatotohanan daw ang magiging takbo ng kwento nito.
Patikim ni Mikael, very "relationship-focused" daw ang drama series kaya paniguradong tatagos sa puso ang mga eksena.
Itinuturing nina Carla at Rhian na isang reunion project ang 'Love of My Life' dahil ito ang ikalawang beses nilang magsasama. Ang 2014 series na 'My Destiny' ang huli nilang pinagsamahang proyekto.
Ang 'Love of My Life' ay idederehe ni Don Michael Perez. Abangan 'yan sa GMA Telebabad soon!