'Love Of My Life,' magbabalik GMA Telebabad na ngayong December 28!
Kamakailan lang ay natapos na ang lock-in taping ng Kapuso drama series na Love Of My Life at naghahanda na silang ilabas ang kanilang bagong fresh episodes!
Ngayong Lunes, December 28, magbabalik ang Love Of My Life sa GMA Telebabad na muling magsisimula sa kanilang pilot episode leading up to the much-awaited continuation of their story.
Sa Kapuso Showbiz News interview ng GMA Network sa Love Of My Life actors na sina Carla Abellana at Mikael Daez, ikinuwento ng dalawang lead stars ang kanilang paghahandang ginawa para sa kani-kanilang roles.
Ani Mikael na nahirapan daw siyang muling magpahaba ng buhok at facial hair na siyang signature look ng karakter niyang si Nikolai.
Gayunpaman, madali na raw para kay Mikael na muling gampanan ang kaniyang role sapagka't talagang tumatak ang mga characterization nito sa kaniya.
"I got to know Nikolai very well at the very start and hindi ko siya nakalimutan because I enjoyed working with that character.
"I enjoyed working with the cast, with Carla, Rhian (Ramos), Direk Don (Michael Perez), and the whole crew.
"For me, remembering the character wasn't as difficult especially because we had six to seven weeks of script to read. So after reading, that's at least two hours per script at the very least. So by the time you start taping, you're very much reacquainted with the character and everybody else as well," wika niya.
Ikinuwento naman ni Carla ang moment sa kanilang taping kung saan nahirapan siyang umiyak na kinakailangan niyang gawin para sa isang eksena.
"At lock-in taping, it was a little bit difficult to adjust into character. I don't know why, siguro effect na rin ng pandemic, I honestly don't know why.
"But just to share, on our first taping day, I had to cry in a particular scene as the camera would dolly in, papatak ang luha sa left na mata.
"I was able to do that during pilot week, I am normally able to do that but for that particular first taping day, hindi ko nagawa.
"Sabi ko, 'Ano ba? Bakit ba? Hindi ba ako malungkot? I did everything pero hindi ako makaiyak.'
"It was the first time I experienced anything like that. Whether with preparation or no preparation, I'm still able to cry but for that particular time, hindi ko siya nagawa which kinda pressured me.
"Getting back into character took like a taping day or two but everything else naman flowed freely and good" ika ni Carla.
Marami ang nag-aabang na mapanood ang pagtatapos ng kuwento nina Adelle, Nikolai, Kelly, Isabella, at Stefano. 'Wag palampasin ang pagbabalik ng Love Of My Life sa GMA Telebabad ngayong Lunes, December 28, kapalit ng Descendants of the Sun (The Philippine Adaptation).
Samantala, silipin ang ilang behind-the-scenes sa naganap ng lock-in taping ng Love Of My Life.