EXCLUSIVE: 'Madrasta' director Monti Parungao, hanga kina Arra San Agustin, Juancho Trivino at Thea Tolentino

Mataas ang kompiyansa ni Monti Parungao, direktor ng Madrasta, sa lead stars ng upcoming Kapuso drama sereies. Sa katunayan, hanga siya kina Arra San Agustin, Juancho Trivino at Thea Tolentino.

Masaya si Direk Monti na collaborative ang kanyang working experience with Arra. Receptive at cooperative daw ang aktres lalo na't first lead role ang kanyang gagampanan.

WATCH: Arra San Agustin on portraying 'Madrasta:' "Pinaka-mapu-push talaga 'yung limits ko"

Kuwento ng direktor, “From the first sequence na ginawa namin down to the sequences na ginagawa namin ngayon, a lot of difference. In terms of performance pareho pero 'yung effort niya to portray and project, mas madali na ngayon because she got used to it na.

“Natural na. Ang galing.”

Pansin din niya ang husay ni Juancho. Very natural din ang pagganap ng aktor.

WATCH: Juancho Trivino, happy na makakatambal si Arra San Agustin sa 'Madrasta'

Paliwanag ni Direk Monti, “It was not difficult for Juancho to portray the role because he's a good-looking man and I'm sure a lot of women would like to be with him. He's also kumbaga si Sean is Juancho eh; loving, sincere, honest, passionate. So it's not difficult for him anymore to portray the role. Isa lang sila.”

Labis din ang pupuri ng direktor kay Thea. Aniya, deserving ang aktres sa kanyang titulo bilang de-kalibreng kontrabida.

READ: Thea Tolentino proves to be this generation's leading kontrabida

“I commend Thea, sobra. 'Pag sinabi ko sa kanya, simple lang eh, 'Thea, can you project to me bilang manonood that you're sweet pero bigyan mo ako ng idea na fake lang 'yun.' Magugulat ka na lang sa eksenang gagawin niya, 'Ay, ang sweet niya. Ay, fake!' Ang galing niya, sobra,” sambit niya.

Simula Lunes, October 7, mapapanood na ang Madrasta sa GMA Afternoon Prime.