Isang kuwento ng sakripisyo at pag-ibig ang matutunghayan sa bagong episode ng real life drama anthology na #MPK o Magpakailanman.
Pinamagatang "The Power of Love: The Miguel and Baby Duhaylungsod Story," matutunghayan dito ang kuwento ng mag-asawang Baby at Miguel.
Sa kabila ng pagiging mabuting asawa ni Baby kay Miguel, hindi pa rin nagawa ng lalaki na maging tapat sa kanyang misis. Dahil sa patuloy na panloloko ni Miguel, maghihiwalay sila ni Baby.
Kalaunan, maaksidente si Miguel at mababaldado. Bukod dito, magiging isip-bata rin siya kaya mangangailangan siya ng pag-aaruga.
Magagawa bang patawarin ni Baby na alagaan ang asawang ulit-ulit siyang pinagtaksilan?
Panoorin ang kanilang kuwento sa brand new episode na "The Power of Love: The Miguel and Baby Duhaylungsod Story," February 11, 8:00 p.m. sa #MPK.
Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.
Samantala, silipin ang ilang eksena ng episode sa gallery na ito:
Si Katrina Halili ay si Baby, isang mabuting asawa.
Si Rodjun Cruz naman ay si Miguel, isang asawang paulit-ulit na pinagtataksilan ang asawa.
Gaganap si Clarence Delgado bilang si Arjay habang si Ashley Sarmiento ay si Grace, mga anak nina Miguel at Baby.
Bahagi rin ng episode si Faye Lorenzo bilang Maribel.
Matapos ang isang malubhang aksidente, magiging baldado at isip-bata si Miguel
Kakailanganin ni Miguel ang pag-aaruga ni Baby.
Panoorin ang brand new episode na "The Power of Love: The Miguel and Baby Duhaylungsod Story," February 11, 8:00 p.m. sa #MPK.