Masusubukan ang tatag ng isang babae sa brand-new episode ng real life drama anthology na Magpakailanman.
Isang asawa, ina, at OFW ang paulit-ulit na makakaranas ng pang-aabuso sa episode na pinamagatang "Abused and Raped."
Aalis si Marielle sa poder ng kanyang inang si Aida matapos siyang pagtangkaang halayin ng kinakasama nitong si Michael.
Magsisimula siya ng sarili niyang pamilya pero kalaunan, madidiskubre niyang physically at verbally abusive ang asawa niyang si Danny.
Para matakasan ang asawa, magtatrabaho si Marielle sa ibang bansa. Hindi pa rin papalarin si Marielle dahil makakaranas siya ng malagim na krimen sa kamay ng kanyang amo roon.
Paano mababago ni Marielle ang kanyang kapalaran?
Abangan ang brand-new episode na mula sa direksyon ni Richard Ibasco Arellano, "Abused and Raped," April 20, 8:00 p.m. sa Magpakailanman.
May delayed telecast din ito sa GTV at Pinoy Hits, 9:45 p.m.
Naka-livestream din nang sabay ang episode sa Kapuso Stream.
https://www.gmanetwork.com/entertainment/tv/kapuso_stream/videos/
Samantala, silipin ang ilang eksena ng episode sa gallery na ito:
Gaganap si Rabiya Mateo bilang Marielle, isang asawa, ina, at OFW na tila hindi matakasan ang pang-aabuso.
Si Maureen Larrazabal naman ay si Aida, nanay ni Marielle.
Si Jon Lucas ay si Michael, ang kinakasama ni Aida na may masamang balak kay Marielle.
Gaganap naman si Richard Quan bilang Danny, ang mapanakit na asawa ni Marielle.
Makakaranas ng pang-aabuso si Marielle bilang isang OFW.
Paano malalagpasan ni Marielle ang mga pang-aabusong ito?
Abangan ang brand-new episode na "Abused and Raped," April 20, 8:00 p.m. sa Magpakailanman.