Bibigyang-buhay ni Kim Rodriguez ang pinakasensitibong role sa kanyang showbiz career bilang Lynette sa 'Magpakailanman' ngayong Sabado, July 11.
Isang gabi ang magdudulot ng malaking problema kay Lynette.
Hindi alam ni Lynette na mayroong masamang balak gawin sa kanya ang lalaking inakala niyang isang kaibigan.
Walang awang ginahasa si Lynette.
Mahirap para sa ina ni Lynette na tanggapin ang nangyari sa kanyang anak.
Dahil walang masandalan, mag-isang hinarap ni Lynette ang kanyang problema.
Lumayas siya sa bahay nila at pumunta sa Maynila para magpakalayo sa pamilya.
Pagdating sa Maynila, nagulat na lamang si Lynette na nagbunga ang ginawang panggagahasa sa kanya.
Sa Maynila rin natagpuan ni Lynette ang lalaking tunay na magmamahal sa kanya.
Abangan ang natatanging pagganap ng Kapuso teen stars na sina Kim Rodriguez at Derrick Monasterio sa isang nakakaantig na istorya ng 'Magpakailanman' ngayong Sabado ng gabi.