Sanya Lopez, bida sa Halloween special ng '#MPK'
Published On: October 28, 2020, 04:08 PM
Updated On: October 28, 2020, 05:03 PM
Tampok si Kapuso actress Sanya Lopez sa Halloween special ng real life drama anthology na #MPK o Magpakailanman.
Gaganap siya dito bilang Mayet, isang babaeng gabi-gabing binibista ng isang misteryosong anino na sumisiping sa kanya.
Hindi naman siya paniniwalaan ng asawa niyang si Vic, na ginaganapan ni Pancho Magno.
Ang masama, iisipin pa nitong nakikiapid si Mayet!
Wala namang magawa dito ang kanyang inang si Andeng, role ni Angeli Bayani.
Takot din namang magsumbong si Mayet sa stepfather niyang si Willy, na role naman ni Mon Confiado.
Matakasan pa kaya ni Mayet ang aninong gumagalaw sa kanya?
Alamin 'yan sa fresh episode na pinamagatang "Halimaw sa Kama," ngayong Sabado, October 31, 8:15 pm sa '#MPK.'