Tumawa at umiyak sa kakaibang love story na bibigyang buhay nina Boobsie at Jason Francisco sa 'Fat and Thin, Ikaw Pa Rin' ngayong Sabado, October 6, sa 'Magpakailanman.'
Si Boobsie bilang Villa
Si Jason Francisco bilang Gilbert
Ang pagiging payatot ni Gilbert at super chubby ni Villa ang unang mapapansin sa kanilang mag-asawa.
Kasama rin sa episode na ito sina Maureen Larrazabal at Rob Moya, sa direksyon ni Rechie Del Carmen.
Habang tumatagal ang kanilang relasyon, lumabas ang pagiging selosa ni Villa. Lagi niyang pinaghihinalaan na may ibang babae si Gilbert kahit wala naman.
Dahil hindi humihinto sa pagduda si Villa, tinotoo ni Gilbert ang kanyang pambababae, dahilan para tuluyang maghiwalay ang dalawa at makahanap ng bagong pag-ibig.
Sa muling pagkrus ng kanilang landas, mabubuo pa kayang muli ang kanilang pamilya o napagod na silang mahalin ang isa't isa? Alamin sa 'Magpakailanman.'