Pahinga muna sa pambu-bully ang apat sa Crazy 5 ng hit Afternoon Prime series na Makiling para dumalo at pasayahin ang mga Kapusong Cebuano sa Kapuso Mall Show na ginanap kamakailan sa Cebu. Pinasaya nina Myrtle Sarrosa, Royce Cabrera, Kristoffer Martin, at Teejay Marquez ang mga dumalo sa taunang Sinulog Festival.
Ang Sinulog Festival ay isang selebrasyon para ipagdiwang si Sto. Nino. Ito ang pinakamalaki at pinakakilalang festival sa Cebu at buong bansa.
Tingnan kung paano napasaya nina Myrtle, Royce, Kristoffer, at Teejay ang mga Kapusong Cebuano sa gallery na ito:
Kinagiliwan ang Kapuso actress na si Myrtle Sarrosa sa kaniyang naging performance sa naganap na Kapuso Mall Show sa Cebu.
Malayo sa kaniyang karakter sa serye ay puno ng sweetness si Myrtle na nag-perform para sa mga Kapusong Cebuano.
Naghandog din ng isang awitin si Kritoffer Martin para sa mga Kapuso na dumalo sa mall show.
Isang manonood naman ang nakatanggap ng mahigpit na yakap mula kay Kristoffer.
All-out ang naging performance ni Kristoffer sa naganap na Kapuso Mall Show para maging memorable ito sa lahat ng manonood.
Hinarana rin ni Royce Cabrera ang mga Kapusong Cebuano.
Maginoo na medyo bad boy ang ipinakitang vibes ni Royce sa kaniyang performance.
Naghandog din ng isang awitin si Teejay Marquez para sa mga Kapusong Cebuano.
Pinatunayan din ni Teejay na hindi lang siya matinee idol material, kundi isa ring heartthrob.
Kulang man sila ng isa ay napasaya naman nila ang mga Kapusong Cebuano. Maraming salamat sa mainit na pagtanggap, Kapuso, hanggang sa uulitin!