Narito na ang bagong kuwento ng pag-ibig, pamilya, at tradisyon ng mga Filipino-Chinese sa Mano Po Legacy: The Family Fortune.
Ito ang unang television series na base sa iconic Mano Po film franchise.
Magsisimula ang kuwento sa pagkamatay ng head of the family na si Edison Chan. Kasunod nito, magkakaroon ng power struggle sa pagitan ng dalawang mahahalang babae sa kanilang pamlya, si Cristine Chan at Valerie Lim.
Si Cristine ang kapatid ni Edison at tunay na utak sa likod ng matagumpay na business empire ng mga Chan. Si Valerie Lim naman ang common law wife ni Edison.
Dahil parehong babae, walang pag-asang mapunta sa kanila ang kontrol ng negosyo kaya may sari-sarili silang mga manok sa agawan sa mana.
Kung hindi mapupunta sa kanya ang negosyo, nais ni Cristine na manahin ito ng kanyang mga pamangkin na sina Anton, Joseph, at Kenneth.
Si Anton ang unang lehitimong anak ni Edison at ng kanyang legal wife.
Si Joseph naman ang panganay sa lahat ng anak ni Edison pero mula sa isang Filipina na nakarelasyon niya bago nag-asawa.
Si Kenneth naman ang pangalawang lehitimong anak ni Edison na lumaki sa Amerika.
Balak naman ni Valerie na makuha ang kumpanya sa pamamagitan ni Jameson, ang anak nila ni Edison.
Maiipit sa tagisang ito si Steffy, isang Binondo Chinese na magiging faithful assitant ni Cristine.
Bukod dito, makukuha pa niya ang atensiyon ng makapatid na Anton at Joseph.
Huwag palamapasin ang world premiere ng Mano Po Legacy: The Family Fortune sa January 3, 9:35 p.m. sa GMA Telebabad.
Samantala, kilalanin ang mga karakter ng serye sa gallery na ito:
Si Steffy Dy ang Binondo girl na mapapasabak sa mundo ng ultra rich Chinoys nang maging personal assistant ni Cristine Chan. Loyal, hard working at walang siyang takot na ipaglaban ang mga pangarap niya.
Si Consuelo Chan ang family matriarch na protective sa reputasyon ng pamilya pero mapagmahal ding ina at lola. Patuloy man niyang sinusunod ang kagustuhan ng kanyang yumaong asawa, gagawin pa rin niya ang lahat para sa kaligayahan ng anak at mga apo.
Si Valerie Lim ang ambitious mistress ng family head na si Edison Chan. Gagamitin niya ang lahat ng koneksiyon para makaangat sa buhay, kahit pa madungisan ang kanyang reputasyon.
Si Cristine Chan ang real brains sa likod ng Chan family business. Dahil sa kanyang talino, kakayahan, at protectiveness sa pamilya, siya ang magiging mortal na kaaway ni Valerie.
Si Anton Chan ang first legitimate son ni Edison Chan at inaasahan ng karamihan na magmamana ng family business. Isa siyang mabuting anak at isa ring achiever pero pakiwari niya, hinahangaan lang siya dahil sa kanyang birthright.
Si Jameson Chan ang rebellious na love child nina Edison Chan and Valerie Lim. Dahil ginagamit siya ni Valerie bilang alas sa mga Chan, lumaki siyang spoiled, arogante, at madalas nasasangkot sa gulo.
Si Joseph Chan ang illegitimate eldest son ni Edison Chan. Kahit unfair ang pagtrato sa kanya ng pamilya, dedicated siya sa business at isang supportive older brother kay Anton.
Si Kenneth Chan ang youngest son ni Edison Chan na lumaki sa Amerika kasama ang ina. Pinauwi siya ng kanyang ina sa Pilipinas para hindi maiwan sa agawan sa mana ng magkakapatid pero wala talagang interes sa yaman ng angkan.
Si Leo Evangelista ang childhood best friend ni Steffy na mari-realize lang ang feelings para sa dalaga nang ma-involve ito sa Chan heirs. Mananatili siyang loyal at protective na kaibigan habang umaasang mapansin siya nito.
Si Jade Lee ang glamorous at self-centered socialite na ipinagkasundong ikasal kay Anton. Pinapangarap niyang maging queen ng Chan empire. Makakaharap niya si Steffy na mamaliitin niya dahil sa social status.