Around GMA

Article Inside Page

Maraming papuri ang natanggap ni Kapuso actor Will Ashley sa pagganap sa GMA Telebabad series na Mano Po Legacy: The Flower Sisters.

Binigyang-buhay ni Will ang karakter ni Andrew, ang isa sa mga anak ni Lily Chua, karakter ni Aiko Melendez.

Dahil sa pagiging controlling ng kanyang ina at patung-patong na problema ng kanyang pamilya, pinili ni Andraw na wakasan ang kanyang sariling buhay.

Ibinahagi ni Will na proud siya sa kanyang karakter at mami-miss niya ito sa pagtatapos ng Mano Po Legacy: The Flower Sisters.

"Isa rin po sa mami-miss ko dito is si Andrew kasi kahit na ganoon ang nangyari sa kanya, hindi maganda 'yung ending niya, kahit papaano, naging mabuting anak pa rin siya. Ginawa pa rin niya 'yung best niya para mapasaya 'yung parents niya," lahad ni Will.

Nagpapasalamat din siya sa alalay ng mga tao sa likod ng camera dahil kahit nakakapagod ang mga emosyonal na eksena niya bilang Andrew, napapagaan daw ng mga ito ang kalooban niya.

Bukod dito, masayang masaya din siya sa pagmamahal na natanggap ng kanilang serye.

"Sa mga Kapuso po namin diyan na talang solid na sumubaybay simula umpisa hanggang dulo sa 'Mano Po Legacy: The Flower Sisters,' gusto lang po namin magpasalamat sa inyo nang taos-puso. Sana po ay subaybayan niyo pa rin po kami sa aming mga susunod na proyekto. God bless you all," mensahe ni Will.

Tingnan ang post na ito sa Instagram

Isang post na ibinahagi ni Mano Po Legacy (@manopolegacy)

Samantala, isang unexpected twist ang dapat abangan sa big finale ng Mano Po Legacy: The Flower Sisters.

Abangan ito ngayong gabi, January 13, 8:50 p.m. sa GMA Telebabad.

Panoorin din ang exclusive livestream nito sa GMANetwork.com/KapusoStream o kaya ay sa GMA Network app.