'Maria Clara at Ibarra,' nag-uwi ng Bronze Award mula sa New York Festivals TV & Film Awards

Nakatanggap ng panibagong pagkilala ang hit historical portal fantasy series na Maria Clara at Ibarra.

Naiuwi kasi ng serye ang Bronze Award para sa kategoryang Entertainment Program: Drama mula sa prestihiyosong New York Festivals TV & Film Awards.

Bukod sa Maria Clara at Ibarra, nakatanggap din ng parangal mula sa New York Festivals TV & Film Awards ang ilan pang Kapuso programs.

Nakuha ng top-rating at always trending magazine program na Kapuso Mo, Jessica Soho ang Gold Award para sa "Mga Sugat ng Pangungulila" sa ilalim ng kategoryang Health/Medical Information Documentary.

Hinandugan naman ng Gold Award ang The Atom Araullo Specials para sa "Mata sa Dilim" sa ilalim ng kategoryang Social Issue Documentary.

Bronze Award din ang nabingwit ng Stand for Truth para sa "Runaway Child Brides" sa ilalim naman ng kategoryang Cultural Issues Documentary.

Kinikilala ng New York Festivals TV & Film Awards ang mga palabas na nagpapakita ng inobasyon at inspirasyon para sa susunod na henerasyon.

Samantala, available na rin sa streaming giant na Netlix ang Maria Clara at Ibarra.

Maari ring mapanood ng buo at libre ang episodes ng Maria Clara at Ibarra sa GMANetwork.com/FullEpisodes.