Panahon ng pandemic nang mauso ang salitang Marites o ang mga babaeng chismosa na walang ibang ginawa kung hindi pagkuwentuhan ang buhay ng ibang tao.
Pero alam n'yo bang may mga Marites na rin noong araw sa panahon nina Maria Clara at Ibarra? Simula noong pumasok sa nobela ni Dr. Jose Rizal na ''Noli Me Tangere'' ang Gen Z nursing student na si Klay, wala nang ibang ginawa ang mga kaibigan ni Maria Clara kung hindi pagchismisan ang ginagawa ni Klay.
Marami man ang naiinis, may iba ring natutuwa sa magkakaibigan dahil pinapakita nito kung gaano na kalayo ang narating ng mga Pilipino, lalong-lalo na ng mga kababaihan, ngayon.
Kung noon, ang pinagkakaabalahan lang ng mga babae ay maglinis ng bahay, magkuwentuhan sa tabing ilog, o hindi kaya magdasal nang magdasal, ngayon ay pantay na ang oportunidad ng mga babae at mga lalaki.
Kilalanin ang mga sinaunang Marites at ang mga gumaganap sa kanila sa 'Maria Clara at Ibarra' sa gallery na ito.
Panahon pa lang nina Maria Clara at Ibarra ay maroon na ring mga Marites na laging pinag-uusapan ang bawat galaw ni Klay (Barbie Forteza), at ito ay ang mga kaibigan ni Maria Clara (Julie Anne San Jose).
Timeout muna sa pagkanta ng OST ng mga Kapuso shows si Hannah Precillas dahil pag-arte muna ang focus niya ngayon sa 'Maria Clara at Ibarra.'
Ginagampanan ni Hannah ang isa sa mga kaibigan ni Maria Clara na si Iday.
Isa rin sa mga Marites noong unang panahon ang ginagampanan ng Gawad Urian-nominee na si Karenina Haniel.
Si Hannah ang gumaganap na Victoria sa 'Maria Clara at Ibarra.'
Pinasok na rin ni 'The Clash' alumna Jeniffer Maravilla ang pag-arte.
Marites na Marites ang karakter ni Jeniffer sa 'Maria Clara at Ibarra' na si Sinang.
Unang TV series naman ng theatre at film actress na si Ira Ruzz ang 'Maria Clara at Ibarra.'
Gumaganap si Ira bilang si Neneng, na isa ring certified Marites.
Ano pa kaya ang mga pagchi-chismisan nina Iday, Victoria, Sinang, at Neneng sa 'Maria Clara at Ibarra?' Patuloy itong panoorin, Lunes hanggang Biyernes, 8:00 p.m. sa GMA Telebabad.