Around GMA

Article Inside Page

Ibinahagi nina Barbie Forteza at Julie Anne San Jose ang mga diskarte nila sa set ng Maria Clara at Ibarra at mga patikim nila sa mga susunod nilang eksena.

Sa ulat ni Nelson Canlas para sa 24 Oras, kailangan magtulungan nina Barbie at Julie Anne sa set para sa paghahanda sa mga eksena.

Kuwento ni Barbie, intense raw ang mga linya ni Julie Anne kaya nag-iingat siyang maistorbo ito sa pagkakabisado ng linya. "Tinatantiya ko siya kung puwede ko siyang chikahin o kausapin, kasi ang hahaba talaga ng linya niya, ang totodo!"

Madalas ay kinakumusta at niyayaya na lamang ni Barbie si Julie Anne na mag-break kasama siya para makapag-bonding at makapag-rehearse ng magkasama.

Sa kabila ng paghahanda, may panahon pa rin daw sila para sa girl talk.

Patuloy ni Barbie, "I've found a true friend in Julie, na pwede akong mag-open up to the most personal things in my life, and alam kong hindi makakalabas."

Sang-ayon naman si Julie Anne, na itinuturing best friend si Barbie. "Same thing din naman kay Barbie. Best friend ko kasi talaga si Barbie, and parehas kami ng energy, parehas kami ng vibe."

Nag-viral din ang eksena kamakailan ng dalawa kung saan nagdamit lalaki ang kanilang karakter na sina Klay (Barbie Forteza) at Maria Clara (Julie Anne San Jose).

Isa ito sa mga eksenang wala sa orihinal na nobela ni Jose Rizal, pero pinusuan ng Kapuso viewers.

"I think isa 'yun sa mga pinaka-funny na scenes," saad ni Julie Anne.

Nagbigay pasilip din si Barbie sa mga maaring mangyari sa mga susunod na episodes ng Maria Clara at Ibarra. "Siguro 'yung lightness manggagaling sa amin ni Fidel (David Licauco)... kasi since 'yung characters namin wala sa nobela, pero in terms of Maria Clara at Ibarra, mabibigat na 'yung mga susunod na eksena. Kaya abangan n'yo."

Patuloy na panoorin sina Barbie at Julie Anne at ang iba pang cast ng Maria Clara at Ibarra tuwing Lunes hanggang Biyernes 8:00 p.m. sa GMA Telebabad.

KILALANIN ANG MGA KARAKTER SA MARIA CLARA AT IBARRA: