Buboy Villar, one call away sa ex-partner na si Angillyn Gorens kapag nami-miss ng kanilang mga anak

Bagamat hiwalay na, on good terms pa rin sina Buboy Villar at American ex-partner niyang si Angillyn Gorens .

Sa Mars Pa More segment na "Pasabog na Chika" noong October 7, ibinahagi ni Buboy ang kanyang ginagawa kapag hinahanap ng kanilang mga anak na sina Vlanz Karollyn and George Michael ang kanilang mommy.

Bahagi ng aktor, "Tumatawag agad ako sa kanya through Messenger, video call para ganyan bonding kasi naawa rin ako sa kanya as a mother. Siyempre, hindi niya nakikita yung mga anak niya.

"Alam ko sobrang miss na miss na niya yung dalawa naming baby, so talagang gumagawa ako ng paraan kahit na minsan busy sa pares-an. Pumupunta talaga ko do'n para lang mag-take ng picture, magvideo lang sa mga bata at ise-send ko sa kanya. Sobrang masayang -masaya na sila."

Tulungan din daw sina Buboy at Angillyn sa pagpapalaki ng kanilang mga anak.

Ayon sa report ng PEP.ph noong October 5, 2020, nasa Amerika si Angillyn kung saan siya nagtatrabaho para sa future ng kanilang mga anak.

Samantala, tuluy-tuloy naman ang showbiz projects ni Buboy at abala rin sa kanyang food business na Paresan ni Bok.

Kilalanin pa ang ilang celebrity ex-couples na nanatiling magkaibigan para sa anak sa gallery na ito: