Camille Prats receives birthday messages from her family
Isang masaya at espesyal na episode ang hatid ng Mars Pa More kahapon (June 20) dahil ipinagdiwang ni Mars host Camille Prats ang kanyang 37th birthday.
Bukod sa birthday cake at flower bouquet, nakatanggap din si Camille ng birthday messages mula sa kanyang “four most favorite people in the world,” ang kanyang pamilya.
Unang ibinahagi ni Nathan ang kanyang mensahe para sa birthday celebrator. Si Nathan ay ang anak ni Camille mula sa yumao niyang asawa na si Anthony Linsangan.
“Happy birthday mom, we love you so much. Thank you so much for everything that you do. Thank you for working every day so you can provide for us. We just want to thank you so much for giving us all of our needs, our wants.
“And kahit pagod na pagod ka na sa amin, you still choose to take care of us and show na mahal mo kami. We love you so much and we just want to thank you for raising us to become the best versions we could be,” pagbabahagi ni Nathan.
Mayroon ding mensahe ang asawa ni Camille na si VJ Yambao.
Aniya, “Happy birthday, love. I just want to say na we are beyond blessed to have you and thank you for all the sacrifices that you made for this family.
"And most of all, I am very happy and glad na you talk more with God and nakikita ko talaga na it really deepens your faith with Him every day. We are just so grateful for you, my love, and enjoy your day.”
Bago natapos ang video, sabay-sabay na nagbigay ng happy birthday greeting sina VJ, Nathan, Nala, at Nolan para kay Camille.
Nakatanggap din ang birthday celebrator ng greetings at messages mula kina Kapuso stars Glaiza De Castro, Lexi Gonzales, Mavy Legaspi, Kyline Alcantara, Bianca Umali, Ruru Madrid, at Ken Chan.
Alamin ang kanilang birthday messages para kay Mars Camille sa Mars Pa More video sa ibaba.
Para sa mas marami pang celebrity features tulad nito, subaybayan ang Mars Pa More tuwing Lunes hanggang Biyernes, 8:45 a.m., sa GMA.
Samantala, silipin ang beautiful life at career ni Camille Prats sa gallery na ito.