WATCH: 'Mulawin VS Ravena' cast, puspusan ang training dahil bawal magkaroon ng double sa fight scenes
Sumabak na sa fight training ang ilang cast members ng inaabangang Kapuso telefantasya na Mulawin VS Ravena bilang paghahanda sa biggest GMA project ngayong taon.
'Mulawin VS Ravena' cast, sumabak na sa matinding physical training
Naunang sumailalim sa physical training ang young actors na si Kiko Estrada at ang Kapuso love team na sina Derrick Monasterio at Bea Binene.
Sa ulat ni Lhar Santiago sa 24 Oras, ibinahagi ng Kapuso stars ang pinagdaanan nilang hirap sa pagsasanay.
Kuwento ni Derrick, nakatulong daw ang kanyang hilig sa paglalaro ng basketball. Aniya, "Mayroon training na ginagawa sa high school na medyo similar sa fight [tulad ng] footworks. Medyo may advantage kasi 'yung stamina ko po talaga, matagal."
Aminado naman si Kiko na nahirapan siya sa simula. Saad niya, "[Mahirap] 'yung steps pero kapag nakuha mo na, madali na lang ang lahat."
Ayon naman kay Bea, talagang puspusan sila sa training dahil sa ibinilin sa kanila ng isa sa mga direkor ng telefantasya na si Dominic Zapata. "Ang challenging dito, kasi si Direk Dom, sinabi niya talaga na ayaw niya ng double. So itong (fight scenes) lahat, kami ang gagawa," paliwanag niya.
Panoorin ang kabuuan ng 24 Oras report.
MORE ON 'MULAWIN VS RAVENA':
WATCH: Heart Evangelista, nagbigay ng clue sa kanyang role sa 'Mulawin VS Ravena'
Kiko Estrada, 'di raw madi-disappoint ang kahit sino sa pagsabak niya sa 'Mulawin vs. Ravena'