Nagsimula na noong nakaraang buwan ang lock-in taping ng GMA adaptation ng classic '80s movie na 'Nagbabagang Luha' na pinagbidahan nina Gabby Concepcion, Alice Dixon, at Lorna Tolentino noon.
Kasalukuyan sumasalalim sa isang closed group shoot ang cast at mga staff at crew ng upcoming series sa Laguna na tatagal ng mahigit isang buwan.
Pagtatambalan nina Glaiza De Castro at Rayver Cruz ang upcoming TV adaptation ng 'Nagbabagang Luha' kung saan gagampanan nila ang role nina Lorna at Gabby bilang sina Maita at Alex.
Sa serye, ipinapakilala ang 22-year-old rising star na si Claire Castro, anak ng '90s actors na sina Raven Villanueva at Diego Castro, bilang dramatic actress na gaganap sa karakter ni Cielo, orihinal na ginampanan ni Alice.
Maliban kina Glaiza, Rayver, at Claire, tampok din sa 'Nagbabagang Luha' sina Mike Tan at Gina Alajar.
Araw-araw ding mapapanood sa serye sina Alan Paule, Archi Adamos, Myrtyle Sarrosa, Royce Cabrera, at Karenina Haniel.
Narito ang pasilip sa lock-in taping ng 'Nagbabagang Luha.'
Matapos ang 'Contessa,' muling ipapamalas ni Glaiza De Castro ang kanyang galing sa drama. Sa 'Nagbabagang Luha', gaganap siya bilang Maita, isang masipag na anak at mapagmahal na ate.
Break muna sa paghataw ni Rayver Cruz sa dance floor para bigyang-buhay ang papel ni Alex, ang tagapagmana at mapagmahal na anak ni Mrs. Calida Montaire.
Gagampanan naman ni Mike Tan ang karakter ni Bien--kaibigan at katrabaho ni Maita--na orihinal na binigyang-buhay ni Richard Gomez.
May bago na namang karakter si Gina Alajar na kaiinisan ng mga manonood. Siya si Calida Montaire, ang may-ari ng Montaire Resort at ina ni Alex.
Ang maamong mukha ang bentahe ni Claire Castro kaya nakuha niya ang role bilang Cielo. Si Cielo ang nakababatang kapatid ni Maita at magiging hadlang sa pagmamahalan ng kanya ate at ni Alex.
Mapagmahal na ama nina Maita at Cielo ang karakter na gagampanan ni Alan Paule--si Paeng--sa 'Nagbabagang Luha.'
Isang pulis si Archi Adamos sa TV adaptation ng 'Nagbabagang Luha.' Levi ang pangalan ng karakter niya na tatay ni Bien at ninong ni Maita.
First major GMA project ng newbie Kapuso at sexy actress na si Myrtle Sarrosa ang 'Nagbabagang Luha.' Sa serye, bibigyang-buhay niya ang karakter ni Judy, family friend nina Alex at consultant ng Montaire Resort.
Kung kinilig kayo kay Royce Cabrera sa BL series, papainitin naman ang mga hapon ninyo ng Kapuso hunk actor sa 'Nagbabagang Luha.' Gaganap siya bilang si Sherwin, isang big-time drug dealer na may gusto kay Cielo.
Bestfriend ni Cielo ang gagampanang role ni Karenina Haniel. Monica ang pangalan ng kanyang karakter sa serye.
Isa sa mga dapat abangan sa 'Nagbabagang Luha' ang special participation ng Cannes Film Festival Best Actress na si Jaclyn Jose bilang ina nina Maita at Cielo.
Malugod namang winelcome nina Karenina, Glaiza, at Rayver ang award-winning actress na si Jaclyn sa set ng 'Nagbabagang Luha.'
Habang naka-standby, nakipag-selfie sina Glaiza at Rayver sa direktor ng 'Nagbabagang Luha' na si Ricky Davao.
Sa larawang ito, makikitang in-character si Glaiza de Castro.
Bumubuhos man ang luha pero palaban pa rin si Maita!
Sino ba naman ang hindi maaakit sa kaseksihan ni Claire?
Patikim lang ito sa mga maiinit na eksena ni Royce Cabrera sa 'Nagbabagang Luha.'
Sweet na sweet sina Claire at Royce sa larawang ito habang naka-formal attire.
Magkaaway man sila on-cam, friends naman ang turingan nina Glaiza at Claire sa isa't isa off-cam.
Narito ang group photo ng cast ng 'Nagbabagang Luha' kasama ang ilang miyembro ng production team na sina (mula kaliwa) Direk Ricky Davao, Program Manager Redgynn Alba, Executive Producer Winnie Hollis-Reyes, at Second Unit Director Phillip Lazaro.